له كۆنفڕانسی نێودوه‌ڵه‌تیی پاریس بۆ پشتیوانی لوبنان، ئیمانوێل ماكرۆن سه‌رۆك كۆماری فه‌ڕه‌نسا وێڕای ئاماژه به پێگه‌ی ئێران و سعوودیا له لوبناندا وتی: نابێت ئه‌م وڵاته ببێته ئامرازێك له پێناو یه‌كلاكردنه‌وه‌ی ناكۆكییه‌كانی هێزه‌كانی ناوچه‌كه.
كۆنفراِنسی پاریس كه به ئاماده‌بوونی سه‌عد حه‌ریری سه‌رۆك وه‌زیرانی لوبنان و هه‌روه‌ها ریكس تیله‌رسن وه‌زیری ده‌ره‌وه‌ی ئه‌مریكا و نوێنه‌رانی چه‌ند وڵاتێكی له هه‌شتی ئه‌م مانگه‌وه ده‌ستی به كاره‌كانی كردووه، پاراستنی سه‌قامگیریی و سه‌روه‌ریی و ئاسایشی لوبنانی به ئامانجی سه‌ره‌كی خۆی راگه‌یاندووه.
هه‌روه‌ها پێش ده‌ستپێكردنی كۆنفڕانسی پاریس ژان ئیۆ لۆدریان وه‌زیری ده‌ره‌وه‌ی فه‌ڕه‌نساش له دیمانه‌یه‌كی رادیۆییدا رایگه‌یاند كه لوبنان وڵاتێكی خاوه‌ن سه‌روه‌ریی خۆیه‌تی و نابێت هیچ ده‌ستوه‌ردانێكی ده‌ره‌كیی سه‌قامگیرییه‌كه‌ی بشێوێنێت.
سه‌رچاوه / رادیۆ فه‌ڕه‌نسا
مه‌سعود / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.