دوای ئەوەی دوێنێ حەیدەر عەبادی سەرۆك وەزیرانی عێراق لەكاتی پێشكەشكردنی وتاری سەركەوتنی بەسەر داعش باسی هێزە بەشدارەكانی جەنگەكەی كرد و ناوی هێزی پێشمەرگەی كوردستانی نەهێنا.
هێمن هەورامی راوێژكاری سەرۆك بارزانی رایگەیاند ، ئەگەر پێشمەرگە و كوردستان نەبوونایە ، عێراق نەیدەتوانی تا ئێستاش شاری مووسڵ ئازاد بكاتەوە.
هێمن هەورامی لە لاپەڕەی خۆی لە تۆڕی كۆمەڵایەتی تویتەر نووسیویەتی ، حەیدەر عەبادی لە وتارەكەی سەبارەت بە كۆتایی هاتنی كردە سەربازییەكانی لەدژی رێكخراوی تیرۆریستی داعش راگەیاند، بەیەك وشەش باسی لە رۆڵی هێزی پێشمەرگەی كوردستان لەو جەنگانە نەكرد كە 1.826 هەزارو هەشت سەدو بیست و شەش شەهیدی لە پێناو سەركەوتن بەسەر داعش داوە.
سوهێل تاهیر : كوردستان تیڤی
کۆمێنت (0)
تا ئێستا هیچ کۆمێنتێک نەکراوە.