لە کۆنفرانسێکی رۆژنامەڤانیدا تۆماس دو مایزیر، وەزیری ناوخۆی ئەڵمانیا رایگەیاند، لەگەڵ وەزیرانی ناوخۆی هەرێمەکانی وڵاتەکەی رێککەوتوون لەسەر ئەوەی کە تاوەکو کۆتایی ساڵی 2018 هیچ کۆچبەرێکی سووری نەنێرنەوە بۆ سووریا.
وەزیری ناوخۆی ئەڵمانیا ئاماژەی بەوەشکرد، كه وەزیرانی ناوخۆی هەرێمەکان هەڵسەنگاندنێکی نوێ بۆ بارودۆخەکە دەکەن و ئەگەر گەیشتنە ئەنجامێکی نوێ ئەوا لەگەڵ حکومەت تاوتوێی دەکەن، ئەگەریش نەگەیشتنە هیچ ئەنجامێک ئەوا قەدەغەکردنی ناردنەوەی کۆچبەرە سوورییەکان بۆ وڵاتی خۆیان بۆ ماوەی یەک ساڵی دیکە درێژ ده‌كه‌نه‌وه.
بەگوێرەی زانیارییە نافەرمییەکان، نزیکەی 400 هەزار کۆچبەری سووری لە ئەڵمانیادا دەژین و کۆچبەرانی سووری و وڵاتانی دیکەش بە زۆری روودەکەنە ئەڵمانیا، ئەوەش دوای ئەوەی ئەنگێلا مێرکڵ، راوێژکاری ئەو وڵاتە دەرگاکانی وڵاتەکەی بۆ کۆچبەرانی سووری کردەوە.
کۆمێنت (0)
تا ئێستا هیچ کۆمێنتێک نەکراوە.