رێکخراوی (یونیسێف) له به‌یاننامه‌یه‌كدا رایگه‌یاند" بەردەوامبوونی تووندوتیژییەکان لە غوتەی رۆژهەڵاتى دیمه‌شق بووەتە هۆی داخستنی زۆرینەی قوتابخانەکانی ئەو ناوچەیە و ئەوەش واتای ئەوەیە کەرتی پەروەردە به ته‌واوى پەکخراوە.
له رووى ته‌ندروستییه‌وه، یونیسێف ده‌لێت" له‌و ناوچه‌یه دەیان منداڵ پێویستیان بە چارەسەری به‌په‌له‌ى پزیشكى هه‌یه ، كه پێشتر به‌هۆى چاره‌سه‌ر نه‌كردنیان، چه‌ندین منداڵ گیانیان لەدەستداوە.
هه‌روه‌ها ده‌شلێت" نزیکەی 12%ی منداڵانی خوار تەمەن پێنج ساڵ لەو ناوچەیەی سووریا بەدەست بەدخۆراکییەوە دەناڵێنن ، كه ئەمەش بەرزترین رێژەیە لە سەرەتای قەیرانی سووریاوە تۆمار کرابێت.
تێزانین نزیکەی 400 هەزار کەس له ناوچه‌ى غوتەی رۆژهەڵات دەژین و لە ساڵی 2013ەوە لە یارمەتیدانی مرۆیی دابڕاوە و به‌هۆیه‌وه چه‌ندین كه‌س له ته‌مه‌نى جیاوازه‌وه گیانیان له‌ده‌ستداوه.
کۆمێنت (0)
تا ئێستا هیچ کۆمێنتێک نەکراوە.