ئیمانوێل ماكرۆن سەرۆكی فەرەنسا رایگەیاند كە كشانەوەی ویلایەتە یەكگرتوەكانی ئەمریكا لە رێككەوتنی پاریس بۆ كەش و هەوای ساڵی 2015 كارێكی دوژمنكارانەیە .
ماكرۆن لە لێدوانێكیدا روونیكردەوە كە نیگەرانە لە كشانەوەی ئەمریكا لە رێككەوتنی پاریس ، دوای ئەوەی دۆناڵد ترەمپ سەرۆكی ئەمریكا كشانەوەی وڵاتەكەی راگەیاند ، ئەوە لە كاتێكدایە نزیكەی 190 وڵات لە دانوستانەكانی كەش و هەوا لە پێناو قەتیس كردنی پلەی گەرما بەشداریان كرد .
سەرۆكی فەرەنسی پێشبینی كرد ترەمپ جارێكی دیكە بۆ دانوستانەكانی كەش و هەوا دەگەرێتەوە و ئەویش خۆشحاڵ دەبێت بەوە ، هەرچەند رەخنەی دەبێت دانوستان لە سەر مەرجەكانی هەمان رێككەوتن بكات .
ئەمڕۆش 12ی كانوونی یەكەم بەبۆنەی یادی دووەم ساڵەی رێككەوتنی پاریس بۆ كەش و هەوا بەرێوە دەچێت كە لە ساڵی 2015 ئەم رێككەوتنە واژوو كرا .
سوهێل تاهیر : كوردستان تیڤی
کۆمێنت (0)
تا ئێستا هیچ کۆمێنتێک نەکراوە.