بەبۆنەی (32)هەمین ساڵڕۆژی دامەزراندنی (حزبی زەحمەتكێشانی كوردستان) مەكتەبی سیاسی پارتی دیموكراتی كوردستان پهیامێكی پیرۆزبایی ئاراستهی هاوسەرۆكان و ئەندامانی سەركردایەتی حزبی زەحمەتكێشان دهكات ئهمه دهقهكهیهتی:
بەڕێزان/ هاوسەرۆكان و ئەندامانی سەركردایەتی حزبی زەحمەتكێشانی كوردستان
بەبۆنەی (32)هەمین ساڵڕۆژی دامەزراندنی حزبە تێكۆشەرەكەتان(حزبی زەحمەتكێشانی كوردستان) گەرمترین پیرۆزبایی خەبات و تێكۆشان لە ئێوەوسەرجەم ئەندام ولایەنگرانتان دەكەین،هیوای بەردەوام بوون و زیاتر پێشكەوتنتان بۆ دەخوازین لەپێناو سەرخستن و بەرەوپێشبردنی دۆزی رەوای گەلەكەمان و بەدیهێنانی گشت مافە رەواكانی.
ئێمە كاتێك ئەو یادە پیرۆز دەكەین و خەبات و فیداكاری و ئەو قوربانیانەی ئێوە بەهەند دەگرین، دوپاتیشی دەكەینەوە، كەواپێویست دەكات زیاتر سووربین لەسەر هاوخەباتی و یەكڕیزیی بۆ پاراستنی دەسكەوتەكان و رەوشی سەقامگیریی هەرێم و دوورخستنەوەی مەترسی و هەڕەشەكان.
هیوادارین هەموو لایەك بە هەمان گیانی هاوپەیمانییەتی و بەرپرسیاریەتی مێژووییەوە درێژە بە خەبات و تێكۆشان بدەین و كاربكەین بۆ تەختكردنی كۆسپ و تەگەرەكانی بەردەم ئەو هەلومەرجە نالەبارەی ئەمڕۆ لەئارادایەو هەرێمی كوردستان بگەیەنینە كەناری هەمیشەیی ئارام وئاسوودەیی و دەستەبەر كردنی ئایندەیەكی رۆشنتروگەشتر بۆ گەلەكەمان.
جارێكی دیكە پیرۆزباییتان لێدەكەین و هەر سەركەوتوو بن ....
مەكتەبی سیاسی
پارتی دیموكراتی كوردستان
12/12/2017
کۆمێنت (0)
تا ئێستا هیچ کۆمێنتێک نەکراوە.