ئه‌مرۆ سه‌میر عوبێد نووسه‌رو سیاسه‌تمه‌دارى ناودارى عێراقى ئازاد كرا، دواى ئه‌وه‌ى ماوه‌ى 52 رۆژبوو له‌لایه‌ن ده‌زگاى هه‌والگرى عێراقیه‌وه له ماله‌كه‌ى خۆیدا له شارى به‌غدا ده‌ستگیركراو دواتر راپێچى دادگا كرا، به تۆمه‌تى ئه‌وه‌ى ناوبراو لێدوانى جیاوازى له‌هه‌مبه‌ر شله‌ژانى ره‌وشى ئه‌منى و سیاسى له عێراق و گه‌نده‌لىیه‌كانى حكوومه‌تى عه‌بادى له بوارى نه‌وت دابوو.
سه‌میر عوبێد له نووسینێكدا له پێگه‌ى تایبه‌تى خۆى له تۆرى كۆمه‌لایه‌تى فه‌یس بووك رایگه‌یاند" دواى 52 رۆژ ده‌ستگیركردنم له لایه‌ن ده‌زگاى هه‌والگرى عێراقیه‌وه، سه‌ره‌نجام ده‌ركه‌وت كه بێ تاوانم، بۆیه ئه‌مرۆ چوارشه‌ممه ئازاد كرام، به‌لام گشت كه‌ره‌سته‌كانى تایبه‌تى خۆى له لایه‌ن ده‌زگاى هه‌والگرییه‌وه ده‌ستبه‌سه‌ركراون، وه‌كو پاسپۆرتى عێراقى و پاسپۆرتى نه‌روێجى و ره‌گه‌زنامه‌و ئۆتۆمبێلى تایبه‌تى خۆى و هه‌ندێ كه‌لوپه‌لى تر.
کۆمێنت (0)
تا ئێستا هیچ کۆمێنتێک نەکراوە.