میلیشیا شیعه‌کان پێشمه‌رگه‌یه‌کی هێزی کۆماندۆی سه‌ر به‌ یه‌کێتی یان ده‌ستگیر کرد

هێزه‌ عێراقییه‌كان و میلیشیا شیعه‌كان هه‌ڵیان كوتایه‌ سه‌ر ماڵی پێشمه‌رگه‌یه‌ك و به‌ره‌و شوێنێكی نادیاریان بردووه‌.

شه‌وی رابردوو له‌گه‌ڕه‌كی یه‌ حیاوه‌ی ناحیه‌ی له‌یلانی سه‌ر به‌شاری كه‌ركوكـ هێزه‌ عێراقییه‌كان و میلیشیا شیعه‌كان هه‌ڵیان كوتایه‌ سه‌ر ماڵی پێشمه‌رگه‌یه‌كی هێزی كۆماندۆی سه‌ر به‌ یه‌كێتی به‌ ناوی ئه‌حمه‌د حاجی محه‌مه‌د ڕۆژبه‌یانی، دوای پشكنینی ماڵه‌كه‌یان ده‌ستگیریان كرد و به‌ره‌و شوێنێكی نادیاریان بردووه‌.

دوای رووداوه‌كانی 16ی ئۆكتۆبه‌ر كه‌ به‌سه‌ر شاری كه‌ركوك و ناوچه‌ دابرێندراوه‌كان هات،  شه‌وانه‌ له‌لایه‌ن سوپا و میلیشیاكانی حه‌شدی شه‌عبی هه‌ڵده‌كوتنه‌ سه‌ر ماڵی هاووڵاتیانی كورد و ئه‌و كه‌سانه‌ی پێشمه‌رگه‌ بوون، به‌ تایبه‌تیش پێشمه‌رگه‌كانی پارتی دیموكراتی كوردستان ده‌كرێنه‌ ئامانج.