رێکخراوی پزیشکانی بێسنوور رایانگەیاند کە لەو باوەڕەدان لە ماوی مانگێکی ئۆپەراسیۆنەکانی سوپای میانمار لە هەرێمی ئاراکاندا، لانیکەم شەش هەزار و 700 موسڵمان کوژراون.
بە پێی هەواڵێکی کەناڵی بی بی سی، رێکخراوی پزیشکانی بێ سنوور لیکۆڵینەوەیان لەگەڵ پەنابەراندا لە بەنگلادیش ئەنجام داوە و دەرکەوتووە لە 25ی ئاب تا 24ی ئەیلوولی 2017، نۆ هەزار موسڵمان لە ئاراکان گیانیان لەدەستداوە، لەوانە لانیکەم شەش هەزار و 700 یان بە هۆی توندوتیژی بوونەتە قوربانی.
لەسەدا 69ی قوربانیەکانی توندوتیژی بە فیشەک کوژراون و لەسەدا نۆیان بە سووتاندن گیانیان لەدەست داوە و لەسەدا پێنجیشیان بە لێدان کوژراون.
لەنێو کوژراوەکاندا، لانیکەم 730 یان لەخوار تەمەنی پێنج ساڵیەوەن و لەسەدا ٥٩ی ئەو منداڵانەش بە فیشەک کوژراون و لەسەدا ١٥یان سووتێنراون و لەسەدا حەوتییان لێدراون و لەسەدا دوویان بە هۆی مینەوە گیانیان لەدەست داوە.
647 هەزار موسڵمانی ئاراکان لە میانمارەوە وەک ئاوارە روویان لە بەنگلادیش کردووە.
کۆمێنت (0)
تا ئێستا هیچ کۆمێنتێک نەکراوە.