هاوپەیمانی نێودەوڵەتی دژی داعش پێی وایە تاكو ئێستاش نزیكەی سێ هەزار چەكداری داعش لە سوریاو عێراق لە ناوچە گوندنشینە دوورە دەستەكاندا گیرساونەتەوە، دوای ئەوەی لە شارەكان دەركراونەتە دەرەوە.
هاوپەیمانی نێودەوڵەتی دژی داعش باس لەوە دەكات كە هێشتا سێ هەزار چەكداری داعش چاڵاكی ئەنجام دەدەن لە سوریاو عێراق لە ناوچە گوندنشینە دوورە دەستەكاندا زیندوون.
پێشتر ژەنەڕاڵ (جۆزیف دانفۆرد) سەرۆك ئەركانی هاوبەشی سوپای ئەمریكا ڕایگەیاندبوو: (40) هەزار چەكدار لە (120) وڵاتی جیهانەوە پەیوەندییان بە ڕێزەكانی داعشەوە كردووە لە عێراق و سوریا.
سەرۆك ئەركانی هاوبەشی سوپای ئەمریكا وتبووی: سەرۆك ئەركانی سوپای فلیپین پێی ڕاگەیاندوون (30) چەكداری فلیپینی گەڕاونەتەوە وڵات، دوای ئەوەی ئەو ڕێكخراوە ناوچەكانی ژێردەستی لە عێراق و سوریا لە دەستداوە.
هەروەها ئەمریكا ئاشكرای كرد كە لە سەرەتای ئەم مانگەوە، سوپای ئەمەریكا (50) چەكداری بیانی لە ڕیزەكانی داعش لە عێراق و سوریا دەستگیركردووە.
سوپای ئەمریكا ڕاشیگەیاندووە، ئەو چەكدارانە لە هاوڵاتیانی ئەفریقیاو باشووری خۆرهەڵاتی ئاسیاو چەند دەوڵەتێكی خۆرهەڵاتی ناوەڕاستن.
کۆمێنت (0)
تا ئێستا هیچ کۆمێنتێک نەکراوە.