بەرپرسی نووسینگەی رزگارکردنی کوردانی ئێزدی لە دەستی داعش دەڵێ: ئەمڕۆ هه‌ینی 15/12/2017 توانرا چوار کچی دیکەی کوردی ئێزدی لە دەستی داعش رزگار بکرێن.
(حوسێن قایدی) بە ماڵپەڕی فەرمیی پارتی دیموکراتی کوردستانی راگەیاند: لە بەردەوامی رزگارکردنی کوردانی ئێزدی لە دەستی تیرۆریستانی داعشدا، ئەمڕۆش توانرا چوار کچی دیکەی کوردی ئێزدی لە وڵاتی سووریا لە دەستی داعش رزگاربکرێن و بە کەسوکاریان شاد بکرێنەوە.
دەشڵێ، ئەو چوار کچە خەڵکی تل بەنات و کۆچۆ و گرزەرک و سنوونێی سەر بە قەزای شنگالن.
(حوسێن قایدی) ڕوونیشی کردەوە، رزگارکردنی ئەو چوار کچەی کوردی ئێزدی بە ھاوکاری ھێزە ئەمنییەکانی کوردستان بووە، بۆیە ئێمەش زۆر سوپاسی ئەوان دەکەین و بەردەوامیش دەبین لە رزگاکردنی ئەوانەی لە دەستی داعشدا ماون.
کۆمێنت (0)
تا ئێستا هیچ کۆمێنتێک نەکراوە.