له ئاكامی دوو هێرشی چه‌كدارانی داعش بۆ سه‌ر هێزه‌كانی حه‌شدی شه‌عبی چوار كوژرا و نۆ برینداری لێكه‌وته‌وه.
به پێی راگه‌یاندنه‌كانی حه‌شدی شه‌عبی دوێنێ هه‌ینی له‌سنووری نێوان عێراق و سوریا چه‌كدارانی داعش هێرشیان كردۆته سه‌ر هێزه‌كانی حه‌شدی شه‌عبی و دوو چه‌كداری حه‌شد كوژران چواری دیكه‌ش بریندار بوون.
له‌لایه‌كی دیكه‌وه موهه‌ند عه‌زاوی، به‌رپرسی راگه‌یاندنی گرووپی سه‌رایا سه‌لام - ی سه‌ر به ره‌وتی سه‌در رایگه‌یاندووه: دوێنێ هه‌ینی چه‌كدارانی داعش هێرشێكی خۆكوژییان كرده چه‌كدارانی سه‌ریا سه‌لام و له ئاكامی ئه‌و هێرشه‌دا دوو چه‌كداری ئه‌و گرووپه كوژران و پێنج دیكه‌ش بریندار بوون.
عه‌زاوی گوتیشی: كرده‌وه خۆكوژییه‌كه له كاتێكدا بووه كه چه‌كدارانی داعش به نیازبوون له ناوچه‌ی ئه‌لحوه‌یش دزه بكه نێو سامه‌را .
ئاماده‌كردنی: رزگار
کۆمێنت (0)
تا ئێستا هیچ کۆمێنتێک نەکراوە.