فه‌رمانده‌ی هێزی ئاڵتۆنی عێراق، وه‌ڵامی وه‌ستا ره‌سوڵ ده‌داته‌وه‌و ده‌ڵێ: له رۆژی 16 ئۆكتۆبه‌ر كه هێرش كرایه سه‌ر شاری كه‌ركوك و ناوچه دابراێندراوه‌كان من له پشوودابووم و له كه‌ركوك نه‌بووم، ئه‌وه‌شی به‌ڵگه‌ی لایه با بیداته دادگا.
فازڵ به‌رواری، فه‌رمانده‌ی هێزی ئاڵتۆنی عێراق به ماڵپه‌ری ده‌زگای سه‌ته‌لایتی كوردستانی راگه‌یاند: ئه‌وانه‌ی ناوی من ده‌هێنن ، ده‌یانه‌وێت ده‌ستی چه‌وری خۆیان به من بسرٍنه‌وه.
هه‌روه‌ها گوتی : ئه‌وانه‌ی باسی به‌ڵگه ده‌كه‌ن من له‌و باره‌یه‌وه هیچ ناڵێم، مادام به‌ڵگه‌یان له‌لایه با بیده‌ن به دادگا.
گوتیشی: ئه‌وان خاك و ئاوی خۆیان فرۆشت و دۆڕاندیان، ئێستاش خه‌ریكی به‌خشینه‌وه‌ی تۆمه‌تن به‌م و به‌و .
فازل به‌رواری جه‌ختیشیكرده‌وه گوتی: له رۆژی 16 ئۆكتۆبه‌ر كه هێرش كرایه سه‌ر شاری كه‌ركوك و ناوچه دابراێندراوه‌كان من له پشوودابووم و له كه‌ركوك نه‌بووم و به‌شداریشم له‌وهێرشه‌دا نه‌كردووه.
ئه‌م لێدوانه‌ی فازڵ به‌رواری له كاتێكدایه كه وه‌ستا ره‌سوڵ، فه‌رمانده‌ی میحوه‌ری چواری باشوری كه‌ركوك له‌هێزی پێشمه‌رگه‌ی كوردستان، له‌میانی چاوپێكه‌وتنێكیدا له‌گه‌ڵ رۆژنامه‌ی هه‌واڵ كه ئه‌مڕۆ(شه‌ممه) بڵاوكراوه‌ته‌وه رایگه‌یاندووه: خوێنی شه‌هیده‌كانی پێشمه‌رگه له روداوه‌كانی 16ی ئۆكتۆبه‌ر له‌ئه‌ستۆی لیوا فازڵ به‌راوری-یه كه فه‌رمانده‌ی فیرقه‌ی ئاڵتونی عێراقه.
کۆمێنت (0)
تا ئێستا هیچ کۆمێنتێک نەکراوە.