ئێستا هه‌وڵێكی ڕژد هه‌یه بۆ كردنه‌وه‌ی رێیه‌كه و فه‌رمانده‌یه‌كی پێشمه‌رگه رای ده‌گه‌یه‌نێ، سبه‌ی ئه‌م رێگایه ده‌كرێته‌وه.
ھەڵگورد حیکمەت، بەرپرسی راگەیاندنی وەزارەتی پێشمەرگە راگەیاند وەزارەتی پێشمەرگە بریاری کرانەوەی رێگای نێوان دھۆک و شەنگالی داوە.
وتیشی سبەینێ، رێگاکە دەکرێتەوە لەبازگەی سحێلا و ھاتوچۆکردن ئاسایی دەبێتەوە لە نێوان دھۆک و شەنگال.
دوای ئه‌وه‌ی شارۆچكه‌ی شنگال و چه‌ند ناوچه‌یه‌كی سه‌ر به شارۆچكه‌كه كه‌وته ده‌ست میلیشیاكانی حه‌شدی شه‌عبی، رێی نێوان پارێزگای دهۆك و شنگال داخرا كه رێیه‌كی ستراتیجی و بازرگانی بوو.
بەهۆی هێرشی حەشدی شەعبی و هێزە عێراقییەکان بۆ سەر کەرکووک و دەوروبەری لە 16 ی ئۆکتۆبەر و رۆژانی دواییدا، رێگاکانی کەرکووک، مەخموور، موسڵ، شنگال و بەشێک لە ناوچە کوردستانییەکانی دیکەی دەرەوەی ئیدارەی هەرێمی کوردستان بۆ شارەکانی هەرێمی کوردستان داخران.
کۆمێنت (0)
تا ئێستا هیچ کۆمێنتێک نەکراوە.