بەبۆنەی دەست بەکار بوونی وەک کونسوڵی گشتی کۆماری تورکیا لە هەرێمی کوردستان، ئەمڕۆ هاکان کەڕاچای کونسوڵى گشتى تازەى کۆمارى تورکیا سەردانی فەرمانگەی پەیوەندیەکانی دەرەوەی کرد و لەلایەن فەلاح مستەفا، بەرپرسی پەیوەندیەکانی دەرەوە پێشوازی لێکرا.
لە دیدارێکدا هاکان کەڕاچای وێراى دەربڕینى خۆشحاڵى خۆى بە بۆنەى دەستبەکاربوونى وەک کونسوڵى گشتى وڵاتەکەى لە هەرێم، گووتى کار دەکەین بۆ زیاتر بەرەوپێشبردنى پەیوەندیەکان و هەماهەنگى دوولایەنە.
فەلاح مستەفا بە ناوى فەرمانگەى پەیوەندیەکانى دەرەوەو حکومەتى هەرێمى کوردستان پیرۆزبایى لە کونسوڵى گشتى تازەى کۆمارى تورکیا کردو ویستى هەرێمى نیشاندا بۆ بەردەوامیدان بە زیاتر پێشخستنى پەیوەندیە دوو قۆڵیەکان. هاوکات ستایشى کارەکانى کونسوڵى گشتى پێشووى کۆمارى تورکیاى کرد.
هەر لە کۆبوونەوەکەدا هەردوولا باسیان لە رەوشى ئەمڕۆى عیراق و ناوچەکە کردو هیوایان خواست بتوانرێت بە دیالۆگ و گفتوگۆ تەواوى کێشەو قەیرانەکان بێنە چارەسەر کردن.
کۆمێنت (0)
تا ئێستا هیچ کۆمێنتێک نەکراوە.