یه‌كێتی قوتابیانی كوردستان له به‌یاننامه‌یه‌كدا ئیدانه‌ی ده‌ستدرێژی میلیشیا عێراقییه‌كان بۆ سه‌ر ناوه‌نده‌كانی خوێندن له كه‌ركوك و ناوچه داگیركراوه‌كان و ده‌كات و رایده‌گه‌ێنێ..
دوای راده‌ستكردنی كه‌ركوك له ١٦ی ئۆكتۆبه‌ردا و داگیركردنی ته‌واوی پارێزگاكه له‌لایه‌ن میلیشیا عێراقی و مه‌زهه‌بییه‌كانه‌وه، دوا به‌دوای چه‌وساندنه‌وه‌ی هاوڵاتیانی كوردی شاره‌كه و به عه‌ره‌بكردنی ناوی شه‌قام و تابلۆی سه‌ر قوتابخانه و بازاڕ و دوكانه‌كان، و كوشتوبڕی نیشتمانپه‌روه‌ران و ئاواره‌بوونیان له شار و ماڵ و خاكی خۆیاندا.
ئه‌مڕۆ ٢٠١٧/١٢/١٧ له ساڵرۆژی هه‌ڵكردنی ئاڵای پیرۆزی كوردستان، قوتابیانی ئازا و نیشتمانپه‌روه‌ری كه‌ركوك و خانه‌قین و ناوچه داگیركراوه‌كان، له ناوه‌نده‌كانی خوێندندا ئه‌م یاده‌یان به‌رز و پیرۆز راگرت و ئاڵای كوردستانیان به‌رزكرده‌وه و به ده‌نگی به‌رز سرودی نیشتمانی (ئه‌ی ره‌قیب)یان چڕی.
له‌گه‌ڵ ئه‌وه‌ی قوتابیان له سه‌ر خاكی خۆیاندان و یادی ئاڵای نیشتمانیان ده‌كه‌نه‌وه، كه‌چی هێز و میلیشیا عێراقییه‌كان، ترسنۆكانه په‌لاماری ناوه‌نده‌كانی خوێندن ده‌ده‌ن و به چه‌كی قورسه‌وه حه‌ره‌می پیرۆزی ناوه‌نده‌كانی خوێندن ده‌شكێنن و قوتابیانی كورد ده‌ستگیر ده‌كه‌ن.
یه‌كێتی قوتابیانی كوردستان راشیده‌گه‌ێنن، به توندی ئیدانه‌ی ئه‌م ده‌ستدرێژییه ترسنۆكانه ده‌كه‌ین و داواكارین رێكخراوه نێوده‌وڵه‌تییه‌كانی مافی مرۆڤ رۆڵی جددی ببینن بۆ ئازادكردنی قوتابیان، و سه‌لامه‌تی گیان و ژیانی ئه‌م قوتابیانه ده‌خه‌ینه ئه‌ستۆی حكومه‌تی عێراقی و نه‌ته‌وه یه‌كگرتووه‌كان.
کۆمێنت (0)
تا ئێستا هیچ کۆمێنتێک نەکراوە.