پارێزگارى سلێمانى هه‌ڤاڵ ئه‌بوبه‌كر له كۆنگره‌یه‌كى رۆژنامه‌وانیدا، رایگه‌یاند، هه‌ر لایه‌نێكى سیاسى بیه‌وێت خۆپیشاندان بكات، ده‌بێت مۆڵه‌تى ره‌سمى وه‌ربگرێت و به پێچه‌وانه‌وه رێكارى یاسایى له دژى ده‌گیرێته به‌ر.
هه‌ڤاڵ ئه‌بوبه‌كر له میانى كۆنگره رۆژنامه‌وانییه‌كه‌دا گوتیشى: "داواكارییه‌كانى خه‌ڵكى خۆپیشانده‌ر ره‌وان و پشتگیرى هه‌ر جوڵه‌یه‌كى مه‌ده‌نى ده‌كه‌ین، كه به شێوازى مه‌ده‌نى و یاسایى ئه‌نجامبدرێت، چونكه ئێمه و خه‌ڵك یه‌كتر ته‌واو ده‌كه‌ین و ئه‌ركمان پاراستنى گیانى خه‌ڵكه و له‌گه‌ڵ هیچ گرژى و به‌ریه‌ك كه‌وتنێكدا نین".
داواشى له میدیا كرد، به هه‌ستكردن به گیانى به‌رپرسیارێتییه‌وه و دوور له هاندان بۆ توندوتیژى رووماڵى رووداوه‌كان بكه‌ن، وه‌ك ئه‌وه‌ى كه هه‌یه نه‌ك وه‌ك ئه‌وه‌ى كه‌ناڵه‌كان ده‌یانه‌وێت.
روونیشیكرده‌وه، سندووقى ده‌نگدان و هه‌ڵبژاردن ته‌نیا رێگه‌ى چاره‌سه‌ركردنى قه‌یرانه‌كانه.
کۆمێنت (0)
تا ئێستا هیچ کۆمێنتێک نەکراوە.