هه‌شت ئۆتۆمبێلی هاووڵاتیان كه له‌لایه‌ن بنكه‌ی هاتوچۆی پیره‌مه‌گرونه‌وه ده‌ستییان به‌سه‌رداگیرابوو له له‌لایه‌ن خۆپیشانده‌رانه‌وه سوتێنراون.
له خۆپیشاندانه‌كه‌ی دوێنێی پیره‌مه‌گرون، هه‌شت ئۆتۆمبێلی هاووڵاتیان كه ده‌ستییان به‌سه‌رداگیرابوو له بنكه‌ی هاتوچۆی پیره‌مه‌گرون له‌لایه‌ن خۆپیشانده‌رانه‌وه سوتێنراون، به‌شێك له خاوه‌نی ئه‌م ئۆتۆمبێلانه مامه‌ڵه‌یان ته‌واو نه‌بووه تا ئۆتۆمبێله‌كانیان وه‌ربگرنه‌وه، به‌شێكیش له خاوه‌نی ئۆتۆمبێڵه‌كان ماوه‌یه‌كی زۆره نه‌هاتوون به‌ده‌م مامه‌ڵه‌كانیانه‌وه.
له‌هه‌مانكاتیشدا له كاتی سووتاندنی فه‌رمانگه‌كانی حكومی له پیره مه‌گرون له‌لایه‌ن خۆپیشانده‌رانه‌وه چه‌ندین مامه‌ڵه‌و دۆكیۆمێنتی هاووڵاتیان له‌ناوچوون.
دوێنێ خۆپیشانده‌ران له‌ناحیه‌ی پیره‌مه‌گرونی سه‌ر به‌پارێزگای سلێمانی كه به ناوی كه‌می خزمه‌تگوزاری و دواكه‌وتنی مووچه خۆپیشاندانیان سازكردبوو، سه‌رتا باره‌گای پارتییان سووتاندو دواتریش ده‌ستییان كرد به سووتاندنی باره‌گای حیزبه‌كان وفه‌رمانگه حكومییه‌كانی ناحییه‌كه.
کۆمێنت (0)
تا ئێستا هیچ کۆمێنتێک نەکراوە.