سه‌رۆكی داواكاری گشتی به وه‌كاله‌ت داوای گرتنه‌به‌ری رێكاری یاسایی پێویست دژی شاسوار عبدولواحید ده‌كات، كه خه‌ڵكی هانداوه بۆ خۆپیشاندان ، كه له له‌ئه‌نجامی ئه‌و خۆپیشاندانانه‌ش ده‌رئه‌نجامی خراپی لێكه‌وته‌وه.
به پێی نووسراوێك كه كۆپییه‌كی ده‌ست ماڵپه‌ری ده‌زگای سه‌ته‌لایتی كوردستان كه‌وتووه، له‌لایه‌ن دادوه‌ر جه‌واد فه‌تاح ئاغا ، سه‌رۆكی داواكاری گشتی به وه‌كاله‌ت،ئاراسته‌ی دادگای لێكۆڵینه‌وه‌ی سلێمانی كراوه، داوای گرتنه‌به‌ری رێكاری یاسایی پێویست دژی شاسوار عبدولواحید ده‌كات، كه خه‌ڵكی هانداوه بۆ خۆپیشاندان ، كه له له‌ئه‌نجامی ئه‌و خۆپیشاندانانه‌ش ده‌رئه‌نجامی خراپی هه‌بووه‌و سووتاندنی باره‌گا حیزبییه‌كان و دام و ده‌زگا حكومییه‌كان و شێواندنی شوێنه گشتییه‌كان و گرتنی رێگای گشتی له لایه‌ن خه‌ڵكانی خۆپیشانده‌ر لێكه‌وتۆته‌وه.
کۆمێنت (0)
تا ئێستا هیچ کۆمێنتێک نەکراوە.