كۆمپانیای رووسنه‌فتی رووسی رایگه‌یاند" گوێ به نیگه‌رانیه‌كانی به‌غدا نادات كاره‌كانی له كوردستان فراوانتر دەكات به‌تایبه‌تی له ناوچه‌كانی ده‌ره‌وه‌ی ئیداره‌ی هه‌رێمی كوردستان.
به گوێره‌ی رۆژنامه‌ی "فایننشاڵ تایمه‌ز"، ئیگۆر سیكین به‌ڕێوه‌به‌ری جێبه‌جێكاری كۆمپانیای رووسنه‌فت رایگه‌یاندوه، سه‌ره‌رای نیگه‌رانییه‌كانی به‌غدا و كێشه سیاسی و سه‌ربازییه‌كان، به‌رده‌وام ده‌بن له لێدانی بیره نه‌وت و دروست كردنی پڕۆژه‌ی ژێر خانی بنه‌ره‌ت له كه‌رتی نه‌وتدا له‌و ناوچه كوردستانیانه‌ی كه له ده‌ره‌وه‌ی ئیداره‌ی هه‌رێمی كوردستان دان و گوێ به توڕه‌یی به‌غدا ناده‌ن.
هاوكات، پاوڵ فیودروف، جیگری یه‌كه‌می سه‌رۆكی كۆمپانیای رووسنه‌فت رایگه‌یاندووه، هه‌موو ئه‌و شتانه‌ی كه پێشتر پلانی بۆ دانرا بوون، له‌وانه خه‌رجكردنی 400 ملیۆن دولار بۆ ده‌رهێنانی نه‌وت له پێنج بلوكی كوردستان هه‌روه‌ها راكێشانی بوڕی گاز و نوێكردنه‌وه‌ی بۆری نه‌وتی كوردستان، هه‌موو ئه‌وانه جێبه‌جی ده‌كه‌ن كه پێشتر رایانگه‌یاندووه.
کۆمێنت (0)
تا ئێستا هیچ کۆمێنتێک نەکراوە.