قائیمقامی سلێمانی رایگه‌یاند: رەوشی پارێزگای سلێمانی بەرەو ئارامبوونەوە دەڕوات و ئەو ھێزانەش کە بڵاوەیان پێکراوە بۆ پاراستنی سەرو ماڵی ھاووڵاتیان و رێگری کردنە کە ھەر رووداوێکی نەخوازراو قائیمقامی سلێمانی گوتیشی: هیچ كه‌س خۆی به به‌رپرسیار نازانێت له‌به‌رامبه‌ر خۆپیشاندانه‌كان.
ئاوات محه‌مه‌د قائیمقامی سلێمانی سه‌باره‌ت به ره‌وشی ئه‌منی شاری سلێمانی گوتی: خۆپیشاندانه‌كان ئاڕاسته‌ی توندوتیژی به‌خۆیانه‌وه گرتووه‌و نابێت مه‌ترسی له‌سه‌ر شاره‌كانمان دروستبێت و وه‌ك موسڵی لێبێت.
ئاوات محه‌مه‌د داوای له‌هه‌موو حزب و لایه‌ن و خۆپیشانده‌ران و ڕێكخراوه‌كانی مه‌ده‌نی كرد كه به‌رپرسیارانه له‌گه‌ڵ دۆخه‌كه مامه‌ڵه بكه‌ن و هه‌مووان هه‌وڵبده‌ن بۆ ئاساییكردنه‌وه‌ی ژیان.
قائیمقامی سلێمانی گوتیشی: هیچ كه‌س خۆی به به‌رپرسیار نازانێت له‌به‌رامبه‌ر خۆپیشاندانه‌كان.
قائیمقامی سلێمانی گوتیشی: ئه‌ركی هێزه ئه‌منییه‌كان پاراستنی سه‌روماڵی هاووڵاتیانه‌و له‌ئێستاشدا له‌ناو شاری سلێمانی دۆخه‌كه ئارامه‌و جموجۆڵ له‌ناو سه‌نته‌ری شاری سلێمانی به‌رده‌وامه.
سه‌باره‌ت به خۆپیشاندانه‌كانیش گوتی: ئێمه له‌گه‌ڵ داواكارییه‌كانی خۆپیشانده‌ران و ده‌زانین كه هه‌رێم به قه‌یرانێكی سه‌ختدا تێده‌په‌ڕێت و ده‌بێت هه‌موومان به به‌رپرسیارێتی له‌گه‌ڵ دۆخه‌كه‌دا مامه‌ڵه بكه‌ین.
شایه‌نی باسه لە چەند رۆژی رابردوودا مامۆستایان و مووچەخۆران و بۆ داواکردنی مافەکانیان خۆپیشاندانێکیان ساز کرد و دواتر ئاڕاستەی خۆپیشاندانەکە بەرەو ئاڵۆزی و گرژی گۆڕاو بەھۆیەوە چەند بریندارێکی لێکەوتەوە و چه‌ند باڵه‌خانه‌ی حكوومی و حزبی سوتێنران.
کۆمێنت (0)
تا ئێستا هیچ کۆمێنتێک نەکراوە.