لەھەنگاوێکدا بۆ بەرژەوەندی گشتی و پاراستنی سەر و ماڵی ھاووڵاتیان و پاراستنی بینای دام و دەزگاکانی سنورەکە وەک لیژنەی ئەمنی چەمچەماڵ بریاریاندا کە دۆسیەی ئەمنی چەمچەماڵ رادەستی دەسەڵاتی سەربازی بکەن.
دوای گرژی و ئاڵۆزیەكانی دوێنێی قەزای چەمچەماڵ، نوێنەری سەرجەم لایەنە سیاسییەكان لە سنووری قەزاكە لە دیوانی قایمقامیەتی ئەو قەزایە كۆبوونەوەیەكیان سەبارەت بە چارەسەری ئەو كێشەو گرفتانەو چوونیان بە دەم داواكاری هاوڵاتیان رێكخست و دواتر لە كۆنگرەیەكی ڕۆژنامەوانیدا قایمقامی چەمچەماڵ سەبارەت بە داواكاری هاوڵاتیان لە ڕێی خۆپیشاندانەوە سەرەڕای پشتگیری مافی ڕەوای ئەو خەڵكە داوای لێیان كرد كە خۆپیشاندانەكانیان دوور بێت لە توندوتیژی و كاولكاری.
له كۆنگره رۆژنامه‌وانیه‌كه‌دا قایمقامی چەمچەماڵ رایگەیاند لەھەنگاوێکدا بۆ بەرژەوەندی گشتی و پاراستنی سەر و ماڵی ھاووڵاتیان و پاراستنی بینای دام و دەزگاکانی سنورەکە وەک لیژنەی ئەمنی چەمچەماڵ بریاریاندا کە دۆسیەی ئەمنی چەمچەماڵ رادەستی دەسەڵاتی سەربازی بکەن.
گوتیشی ئەو دەسەڵاتە لەخەڵکی ناوچەکەن و لەھەموو کەس زیاتر پارێزەری سەر و ماڵی ھاوڵاتییان و دام و دەزگاکانی سنورەکە دەبن .
کۆمێنت (0)
تا ئێستا هیچ کۆمێنتێک نەکراوە.