ڕۆژی 18ی ئەم مانگە، لە سلێمانی و دەڤەری ڕاپەرین و گەرمیان، خۆپێشاندان لە ناوچە جیاجیاكان دەستی پێ كرد و سەرەتای گۆڕینی ئاراستەی خۆپێشاندانەكان لە خۆپێشاندانی مەدەنی و دوور لە توندوتیژی لە شارەدێی پیرەمەگروون دەستی پێ كرد دواتر ئاراسته‌ی خۆپیشاندانه‌كه گۆرا بۆ توندوتیژی، دوو كوژراو و 132 برینداری لێكه‌وته‌وه.
وتەبێژی وەزارەتی تەندروستی حكومەتی هەرێم رایگەیاند، لە خۆپیشاندانەكانی چەند رۆژی رابردووی هەرێمی كوردستاندا دوو كەس كوژراون و 132 كەسی دیكەش برینداربوون، سەرپەرشتیاری ئیدارەی راپەڕینیش دەڵێت، "بڵاوكردنەوەی بوونی پێنج شەهید لە رانیە هەڵەی وتەبێژی تەندروستی بوو.
د.خاڵس قادر، وتەبێژی وەزارەتی تەندروستی حكومه‌تی هه‌رێم ڕایگەیاند: 132 كەس لە خۆپیشاندانەكانی چەند رۆژی رابردووی ناوچە جیاجیاكانی هەرێم برینداربوون، كە هه‌ندێ له برینداره‌كان گوللـەیان به‌ركه‌وتووه.
سه‌باره‌ت به ژماره‌ی كوژراوانیش، وتەبێژی وەزارەتی تەندروستی گوتی: ته‌نها دوو كەس لە خۆپیشاندانەكان كوژران.
کۆمێنت (0)
تا ئێستا هیچ کۆمێنتێک نەکراوە.