مالپه‌رى"غه‌دپرێس" بلاوى كرده‌وه، كه سه‌رچاوه‌یه‌كى ئه‌منى عێراقى رایگه‌یاند، به فه‌رمانى حه‌یده‌ر عه‌بادى سه‌رۆك وه‌زیران و فه‌رمانده‌ى گشتیی هێزه چه‌كداره‌كانى عێراق، فیرقه‌ى بژارده له پۆلیسی فیدڕاڵى به ته‌واوى چه‌ك و فڕۆكه‌وه ئاماده‌كارى كردوه بۆ هێرش كردنه سه‌ر هه‌رێمى كوردستان له‌كاتى پێویستدا.
سه‌رچاوه ئه‌منییه‌كه، ئاشكراى كردوه، كه حه‌یده‌ر عه‌بادى فه‌رمانی كردووه به فیرقه‌ى بژارده، تاكو به هه‌موو چه‌ك و پێداویستیى سه‌ربازییه‌وه له ئاماده‌باشی ته‌واو دابن، بۆ ئه‌وه‌ى له كاتى پێویستدا به‌ره‌وه شاره‌كانى هه‌رێمى كوردستان جووڵه‌یان پێبكرێت، به‌مه‌به‌ستى پاراستنى ئاسایشی هاوولاتیان.
سه‌رچاوه‌كه ئه‌وه‌شى بۆ میدیاكانى عێراق خستووه‌ته‌ڕوو، كه فه‌رمانكراوه 8 كۆپته‌رى جه‌نگیی جۆرى می 35 و میى 34 له بنكه‌ى كه‌یوان و حوڕییه له كه‌ركووك، بۆ هه‌مان مه‌به‌ست ئاماده بكرێن.
کۆمێنت (0)
تا ئێستا هیچ کۆمێنتێک نەکراوە.