ئوسترالیا بەشداریکردنی وڵاتەکەی لە شەڕی دژی رێکخراوی تیرۆریستی داعش لە عێراق و سووریا کۆتایی پێهێنا .
ئه‌مڕۆ هەینی 22/12/2017، ماریز باین، وەزیری بەرگریی ئوسترالیا کۆتایی هاتنی بەشداریکردنی وڵاتەکەی لە شەڕی دژی رێکخراوی تیرۆریستی داعش لە عێراق و سووریا، راگەیاند.
وەزیری بەرگریی ئوسترالیا بە میدیاکانی وڵاتەکەی راگەیاند: بڕیاری کشانەوەمان لە هاوپەیمانیی نێودەوڵەتی دژی داعش، دوای گفتوگۆکردن بووە لەگەڵ عێراق و هاوپەیمانان دوای راگەیاندنی سەرکەوتن بەسەر داعش لەلایەن حەیدەر عەبادی، سەرۆک وەزیرانی عێراقەوە، ئەو بڕیارەمان داوه.
ماریز باین راشیگه‌یاندووه: ئەرکی ئوسترالیا لە شەڕی دژی داعش درێژ و ماندووکەر بوو و ئێستاش حکوومەتی وڵاتەکه‌مان بڕیاری داوە شەش فڕۆکەکەی لە هاوپەیمانییەکە بگەڕێنێتەوە ئوسترالیا .
هەرچەندە حه‌یده‌ر عەبادی کۆتایی هاتنی داعشی راگەیاند، بەڵام تا ئێستاش چەکدارانی داعش لە سنووری پارێزگاکانی نەینەوا، دیالە و ئەنبار ماون و ناوەناوە گورز لە هێز و میلیشیا عێراقییەکان ده‌ده‌ن .
کۆمێنت (0)
تا ئێستا هیچ کۆمێنتێک نەکراوە.