هۆزه عه‌ره‌به‌كانی نه‌ینه‌وا داوا له هاووڵاتیانی عه‌ره‌بی نیشته‌جێی كوردستان ده‌كات، خۆیان به دوور بگرن له خۆپێشانده‌ران و چونكه خۆپیشاندانه‌كان ده‌ستی ده‌ره‌كی له‌پشته‌و ده‌یانه‌وێت سه‌قامگیریی هه‌رێمی كوردستان تێك بده‌ن.
هۆزه عه‌ره‌به‌كانی نه‌ینه‌وا له راگه‌یێندراوێكدا داوا له هه‌موو رۆڵه‌ی هۆزه عه‌ره‌به‌كانی نه‌ینه‌وا له كوردستان و به‌تایبه‌ت سلێمانی و ناوچه‌كانی تر ده‌كات، خۆیان به دوور بگرن له‌و خۆپێشاندانانه چونكه ده‌ستی ده‌ره‌كییان له پشته و، ده‌یانه‌وێت سه‌قامگیریی هه‌رێمی كوردستان تێك بده‌ن.
راگه‌یێندراوه‌كه‌دا ده‌شڵێ: ئه‌م خۆپێشاندانانه شه‌رعی نین و به‌كرێگراوان له پێناو به‌جێگه‌یاندنی ئه‌جێندای نێوخۆیی و ده‌ره‌كی ، ئامانجیشیان هێرشكردنه سه‌ر كوردستانه و ده‌یانه‌وێت فیتنه له نێوان لایه‌ن و پێكهاته‌كانی گه‌لی كوردستاندا بنێنه‌وه.
کۆمێنت (0)
تا ئێستا هیچ کۆمێنتێک نەکراوە.