یه‌كگرتووی ئیسلامی كوردستان بۆ مانه‌وه له حكومه‌تی ئێستای هه‌رێمی كوردستان چه‌ند مه‌رجێكی داناوه.
هادی عه‌لی، وته‌بێژی یه‌كگرتووی ئیسلامی كوردستان له كۆنگره‌یه‌كی رۆژنامه‌وانیدا رایگه‌یاند: یه‌كگرتووی ئیسلامی كوردستان به مه‌رج له حكومه‌ت ده‌مێنێته‌وه‌و 15 ی كانوونی دووه‌می ساڵی نوێی بۆ جێبه‌جێكردنی مه‌رجه‌كانی بۆ حكومه‌ت داناوه.
مه‌رجه‌كانی یه‌كگرتوو بۆ مانه‌وه له حكومه‌ت بریتییه له ئازادكردنی سه‌رجه‌م به‌ندكراوانی خۆپیشاندانه‌كانی هه‌فته‌ی رابردوو و ئاسایی كردنه‌وه‌ی دۆخی سلێمانی .
هه‌روه‌ها داوای كه‌مكردنه‌وه‌ی مووچه‌ی پله باڵاكان ده‌كات و داواشده‌كات لیژنه‌یه‌ك له‌باره‌ی رووداوه‌كانی هه‌فته‌ی رابردوو پێكبهێنرێت، له هه‌مانكاتیشدا داوا ده‌كات تۆماری ده‌نگده‌ران نوێبكرێته‌وه.
کۆمێنت (0)
تا ئێستا هیچ کۆمێنتێک نەکراوە.