تەرمی هاوڵاتییەك له شاری سلێمانی له نزیك پرۆژهی شاری دایك به كوژراوی دۆزرایهوه و بەپێی زانیارییەكان نزیكی 4 ڕۆژە كوژراوه.
پێشنیوەڕۆی ئەمڕۆ، دوای ئاگادار كردنەوەی هێزەكانی پۆلیس ، تەرمی هاوڵاتییەك لەناو پڕۆژەی شاری دایك (بەرامبەر چاڤی لاند ) بە كوژراوی دۆزرایەوە.
دوای گەیشتنی هێزەكانی پۆلیس و تیمە فریاگوزارییەكان تەرمی هاوڵاتییەكە ڕەوانەی پزیشكی دادوەری لە شاری سلێمانی كرا .
بەپێی زانیارییە سەرەتاییەكان ئەو هاوڵاتییە ڕەگەزی نێرەو تەمەنی نزیكەی 30 ساڵ دەبێت و نزیكی 4 ڕۆژە كوژرا وەو بەهۆی ئەوەی هیچ ناسنامەیەكی پێ نەبووە تا ئێستا ناوو تەمەن و شوێنی نیشتەجێبونی نەزانراوە .
لە ئێستاشدا هێزەكانی پۆلیس سەرقاڵی لێكۆڵینەوەی وردن و پەڕاوی لێكۆڵینەوەش بۆ ڕودداوەكە كراوەتەوە .
کۆمێنت (0)
تا ئێستا هیچ کۆمێنتێک نەکراوە.