پاولۆ جێنتیلۆنی، سەرۆك وەزیرانی ئیتالیا رایگەیاند: پرۆژیەکیان داوەتە پەرلەمانی وڵاتەکەی بۆ کشاندنەوەی سەربازەکانیان لە عێراق.
لە کۆنگرەیەکی رۆژنامەوانیدا سەرۆك وەزیرانی ئیتالیا رایگەیاند كه راستە داعش لەناوچووە، بەڵام ھەڕەشەی تیرۆر ھێشتا لەناونەچووە.
هه‌روه‌ها وتیشی: ئەو سەربازانەی لە عێراق دەکشێنرێنەوە رەوانەی نایجیریا دەکرێن بۆ لەناوبردنی قاچاخچی و تیرۆریستانەكانی ئەو ناوچەیە.
پاولۆ جێنتیلۆنی گوتی: سوپاس بۆ ئەو بەشدارییە گرنگ و کاریگەری ئیتالیا و بە دەستھێنانی دەستکەوتەکانی 2017 داعش لەناوچوو، بەڵام ھەڕەشەی تیرۆر لەناو نەچووە. هه‌روه‌ها پێویستە ھەوڵەکانمان بەردەوام بن بۆ لەناوبردنی ھەڕەشەکانی تیرۆر و رووبەروبوونەوەی ئەو قاچاخچیانەی بازرگانی بە مرۆڤەوە دەکەن لە ئەفریقا. بۆ ئەو مەبەستەش ھێزەکانمان لە عێراقەوە دەگوازینەوە بۆ نایجیریا. ئەمە پرۆژەیەکی حکومەتە و دەدرێتە پەرلەمان بۆئەوەی پەسەندی بکات، ئامانج لێی رووبەرووبوونەوەی قاچاخچی و تیرۆریستەکانە لە ئەفریقا.
کۆمێنت (0)
تا ئێستا هیچ کۆمێنتێک نەکراوە.