م. دانا مسته‌فا، به‌ڕێوه‌به‌ری په‌یمانگه‌ی هونه‌ره جوانه‌كانی رواندز راگه‌یاند: چه‌ندین په‌یكه‌ر له‌به‌ر ده‌ستی قوتابییانماندایه، هه‌ندێكیان ته‌واو كراون و هه‌ندێكیشیان كاریان تێدا به‌رده‌وامه، په‌یكه‌ری كه‌سایه‌تیی جیهانی وه‌ك بابه‌تی خوێندن دروست كراون، ئه‌گه‌ر توانا داراییه‌كانمان رێگامان پێ بدات په‌یكه‌ری كه‌سایه‌تییه‌كانی رواندز به كه‌ره‌سته‌ی باش دابڕێژین.
په‌یكه‌ری سێ كه‌سایه‌تیی دیاری ده‌ڤه‌ره‌كه كه نیازین دورست بكه‌ین بریتنین له، سمایل به‌گی رواندزی، كه له سه‌ره‌تاكانی سه‌ده‌ی رابردوودا كه‌سێكی دیار و به‌ناوبانگ بووه له سنووره‌كه و كوردستان و عێراق، هه‌روه‌ها مامۆستا زرار مسته‌فا، یه‌كێكه له‌و هونه‌رمه‌ندانه‌ی كه ده‌یان ساڵه خزمه‌ت به بواری موزیك و ئاوازی كوردی ده‌كات، كه‌سێكیش له بازاڕی رواندز به (وه‌رداش) ناسراوه، به لای ئێمه‌وه زۆر تایبه‌تمه‌نده و ده‌بێت رێز له‌و جۆره كه‌سانه بگیرێت، چونكه به به‌رده‌وام خه‌ریكی پاككردنه‌وه‌ی شاره‌كه‌یه، به‌مه‌ش بووه‌ته خۆشه‌ویستی خه‌ڵك و ناوبانگی ده‌ركردووه.
شایانی باسه به هاوكاری سه‌رۆكایه‌تیی شاره‌وانیی رواندز بۆ دیاریكردنی شوێن بۆ دانانی په‌یكه‌ری ئه‌م سێ كه‌سه ناسراوه داده‌نرێت.
كوردستان تیڤی / كامه‌ران حاجی
کۆمێنت (0)
تا ئێستا هیچ کۆمێنتێک نەکراوە.