دوای په‌سه‌ندكردنی ده‌ست له‌كار كێشانه‌وه‌كه‌ی، یوسف محه‌مه‌د به مووچه‌یه‌كی 9 ملیۆن دیناری ده‌چێته ڕیزی خانه‌نشینانی پله تایبه‌ته‌وه.
د. مه‌دحه‌د سلێمان، ڕاوێژكاری په‌رله‌مانی كوردستان، به باسنیوزی ڕاگه‌یاندووه: كاتژمێر 12ی نیوه‌ڕۆی ئه‌مڕۆ سێشه‌ممه 26/12/2017، یوسف محه‌مه‌د، له مه‌كۆی سه‌ره‌كیی بزووتنه‌وه‌ی گۆڕانه‌وه له گردی زه‌رگه‌ته‌ی شاری سلێمانی، نامه‌ی ده‌ست له‌كار كێشانه‌وه‌ی له پۆستی سه‌رۆكی په‌رله‌مانی كوردستان ده‌خوێنێته‌وه.
هه‌روه‌ها گوتی: دواتر نامه‌كه بۆ په‌رله‌مانی كوردستان ده‌نێردرێت و له په‌رله‌مانه‌وه ده‌نگی له‌باره‌وه ده‌درێت.
ڕاوێژكاره‌كه‌ی په‌رله‌مان ده‌شڵێ: دوای په‌سه‌ندكردنی ده‌ست له‌كار كێشانه‌وه‌كه‌ی، یوسف محه‌مه‌د به مووچه‌یه‌كی 9 ملیۆن دیناری ده‌چێته ڕیزی خانه‌نشینانی پله تایبه‌ته‌وه.
کۆمێنت (0)
تا ئێستا هیچ کۆمێنتێک نەکراوە.