بۆ ئه‌وه‌ی له‌گه‌ڵ چه‌ند هونه‌رمه‌ندێكی دیكه چه‌ند كۆنسێرتێك ئه‌نجامبدات ،گۆرانیبێژی كورد بڵند ئیبراهیم گه‌یشته وڵاتی سوێد.
هه‌ر یه‌ك له هونه‌رمه‌ندان (بڵند ئیبراهیم و قادر ئه‌سعه‌د) له گرته‌یه‌كی ڤیدیۆییدا كه له تۆره كۆمه‌ڵایه‌تییه‌كاندا بڵاوبۆته‌وه به یه‌كه‌وه ده‌رده‌كه‌ون و په‌یامێك ئاراسته ده‌كه‌ن و ئاشكرایده‌كه‌ن، كه له وڵاتی سوێد 3 ئاهه‌نگ له 3 كاتی جیادا ئه‌نجامده‌ده‌ن .
له په‌یامه‌كه‌یاندا هاتووه كه به‌شێك له داهاتی ئه‌و ئاهه‌نگانه ته‌رخان ده‌كه‌ن بۆ هاوكاریكردنی زیانلێكه‌وتووانی ئه‌و بوومه‌له‌رزانه‌ی چه‌ند مانگێك پێش ئێستا باشوور و رۆژهه‌ڵاتی كوردستان هه‌ژاند.
جێی باسه گۆرانیبێژی ناسراوی رۆژهه‌ڵاتی كوردستان " عه‌زیز وه‌یسی " له‌م كۆنسێرتانه به‌شدار ده‌بێت شانبه‌شانی هه‌ردوو هونه‌رمه‌ندی ناوبراو .
کۆمێنت (0)
تا ئێستا هیچ کۆمێنتێک نەکراوە.