داعش بریاریداوه ئاهه‌نگه‌كانی سه‌ری ساڵ و كریسمس له ئه‌وروپا و ئه‌مه‌ریكا بكاته ئامانج و هه‌ره‌شه له‌و كه‌سانه‌ش ده‌كات كه به‌شداری له ئاهه‌نگه‌كانی سه‌ری ساڵدا ده‌كه‌ن.
رۆژنامه‌ی وه‌ته‌نی كوێتی رایگه‌یاندووه، رێكخراوی تیرۆریستی داعش هه‌ره‌شه‌ی ئه‌نجامدانی كرده‌وه‌ی تیرۆریستی له هه‌ر یه‌ك له ئه‌وروپا و ئه‌مه‌ریكا ده‌كات و بڕیاریداوه ئاهه‌نگه‌كانی سه‌ری ساڵ و كریسمس له ئه‌وروپا و ئه‌مه‌ریكا بكاته ئامانج.
داعش له گرته‌یه‌كی ڤیدیۆییدا بڵاوی كردۆته‌وه، به‌بێ جیاوازی ته‌مه‌ن هه‌موو ئه‌و كه‌سانه ده‌كاته ئامانج كه له سه‌رجه‌م شاره‌كانی ئه‌وروپا و ئه‌مه‌ریكا به‌شداری له ئاهه‌نگ و بۆنه‌كانی كریسمس و سه‌ری ساڵدا ده‌كه‌ن.
هه‌ر له‌و گرته‌یه‌دا داعش به‌ڵێنی داوه، ئاڵای ره‌شی خۆیان له هه‌ریه‌ك له واشنتۆن، مۆسكۆ، ئه‌وروپا و چین هه‌ڵبكه‌ن.
کۆمێنت (0)
تا ئێستا هیچ کۆمێنتێک نەکراوە.