له ئاكامی پێكدادانی پاسێك و دوو پیكاب، له‌سه‌ر رێگه‌ی سه‌ره‌كی باتڤیا له زاخۆ، 2 كه‌س گیانییان له‌ده‌ستدا و 19 كه‌سی دیكه‌ش برینداربوون.
كاتژمێر 5:20ی خووله‌كی ئێواره‌ی ئه‌مڕۆ، لە رێگای سەرەکی شارۆچکەی باتیفا، نزیک کەمپی بێرسڤا لە قەزای زاخۆ، رووداوێکی هاتووچۆ روویداوە و بەهۆیەوە دوو کەس گیانیان لەدەستداوە و 19 کەسی دیکەش برینداربوون.
سه‌رچاوه‌یه‌ك له نه‌خۆشخانی فریاكه‌وتنی زاخۆ رایگه‌یاند له رووداوێكی هاتوچۆ له‌سه‌ر رێگای باتیفا، نزیک کەمپی بێرسڤا روویداوه له‌م رووداوه‌ش 2 كه‌س گیانیان له ده‌ستدا و 19 كه‌سی دیكه‌ش بریندرابوون، له كاتی رووداوه‌كه‌ش ئۆتۆمبێله‌كان گرده‌گرن.
هه‌روه‌ها ئه‌و سه‌رچاوه‌یه راشیگه‌یاند بەشێک لە بریندارەکان بەهۆی سەختی برینەکانیان ڕەوانەی نەخۆشخانەی دهۆک کراون و له‌وێ چاره‌سه‌ری پێویست وه‌رده‌گرن.
به گوێره‌ی زانیارییه‌كان له زاخۆ، رووداوه‌كه له‌كاتێكدا بووه، كه ئاواره‌كانی ده‌ڤه‌ری رۆژئاوای رووباری دیجله، له ئاهه‌نگێكی هاوسه‌رگیری ده‌گه‌ڕانه‌وه و له رێگادا تووشی رووداوی هاتووچۆ بوونه.
کۆمێنت (0)
تا ئێستا هیچ کۆمێنتێک نەکراوە.