رۆژنامه‌ی واشنتۆن تایمز، راپۆرتێكی ده‌رباره‌ی په‌یوه‌ندییه‌كانی نێوان حكومه‌تی هه‌رێمی كوردستان و حكومه‌تی عێراقی فیدڕاڵ بڵاوكرده‌وه و تیَیدا ئاماژه‌ی به پێشێڵكاریه ده‌ستوورییه‌كانی حه‌یده‌ر عه‌بادی سه‌رۆك وه‌زیرانی عێراق دژی هاووڵاتییانی كورد و پێشێلكاری مافه ده‌ستووریه‌كانی هه‌رێمی كوردستان ده‌كات .
ئه‌م رۆژنامه‌یه ئاماژه به‌وه ده‌كات كه عه‌بادی مامه‌ڵه‌یه‌كی خراپ له‌گه‌ڵ هاووڵاتییانی كورد ده‌كات و ئێستا كاتی ئه‌وه هاتووه ئه‌و كاره كۆتایی پێبێت .
هه‌ر له‌م باره‌یه‌وه و له‌م دواییانه‌دا رێكس تیله‌رسۆن، وه‌زیری ده‌ره‌وه‌ی ئه‌مریكا رایگه‌یاندبوو: واشنتۆن پشتیوانی له كورد ده‌كات بۆ هه‌وڵه‌كانیان له پێناو جێبه‌جێ كردنی ته‌واوی ده‌ستووری عێراقدا .
راپۆرته‌كه‌ی رۆژنامه‌ی واشنتۆن تایمز باسیش له پێشێڵكاریه‌كان و سووتاندنی خانوو و ماڵ و كوشتن و ده‌ستدرێژی كردنه سه‌ر كورد ده‌كات، پاش ئه‌وه‌ی حكومه‌تی عێراق شاری كه‌ركوكی داگیر كرده‌وه كه ئه‌ویش پێشێڵكاری ده‌ستووری ده‌گه‌یه‌نێت .
کۆمێنت (0)
تا ئێستا هیچ کۆمێنتێک نەکراوە.