دۆناڵد ترەمپ سەرۆکی ئەمریکا، لە پەیوەندیەکی تەلەفۆنیدا، ژمارەیەک پرسی لەگەڵ مون جای ئین سەرۆکی کۆریای باشوور،تاوتوێکرد.
لە راگەیەنراوێکی کۆشکی سپیدا ئاماژە بەوە کراوە کە هەوڵە دیپلۆماتییەکانی کۆریای باکوور و کۆریای باشوور لەلایەن ئەمریکاوە لە نزیکەوە چاودێری دەکرێت و تیایدا هاتووە، "سەرۆک ترەمپ لەکات و هەلومەرجی گونجاودا ئاماده‌یه بۆ ئەنجامدانی دانوستان له‌گه‌ل کۆریای باکوور.
لەلایەکی ترەوە ئاماژە بەوە کراوە کە مایک پێنس لە ئۆڵمپیادی زستانەدا کە بڕیارە مانگی داهاتوو لە کۆریای باشوور بەڕێوەبچێت، سەرۆکایەتی شاندی ئەمریکا دەکات.
بەوپێیەش پێنس و شاندی یاوەری لە نۆی شوباتدا سەردانی کۆریای باشوور دەکەن و دواتر سەردانی هەریەک لە سیئۆل و تۆکیۆ دەکەن.
کۆمێنت (0)
تا ئێستا هیچ کۆمێنتێک نەکراوە.