له‌چوارچێوه‌ی ركابه‌ریه‌كانی خولی باسكه‌ی ئه‌وروپا یانه‌ی پاناسیناكۆس بیسته‌هه‌مین سه‌ركه‌وتنی له‌سه‌ر یه‌كی به‌ده‌ست هێنا كاتێ له‌سه‌ر یاریگای خۆی له‌یانه‌ی بارسه‌لۆنای ئیسپانی برده‌وه به‌ئه‌نجامی 84 خاڵ به‌رامبه‌ر 75 خاڵ .
یانه‌ی به‌رشلۆنه له‌ماوه‌ی یه‌كه‌م توانی به‌جیاوازی دوو خاڵ له‌پێش تیپی میواندار بێت، به‌ڵام له‌ماوه‌كانی دووه‌م و سێیه‌م و چواره‌می یاریه‌كه پاناسیناكۆس به‌هێزه‌وه رووبه‌رووی بارسه‌لۆنا بویه‌وه‌و یاریه‌كه‌ی له‌به‌رژه‌وه‌ندی خۆی به‌كۆتا هێنا.
به‌م سه‌ركه‌وتنه پاناسیناكۆس توانی بیسته‌هه‌مین سه‌ركه‌وتنی له‌سه‌ر یه‌ك به‌ده‌ست بێنێت و به‌بیستو نۆ خاڵ له‌خانه‌ی دووه‌می ریزبه‌ندی دێت، له‌به‌رامبه‌ردا بارسه‌لۆنا به‌م شكسته‌ی له‌خانه‌ی نۆیه‌م مایه‌وه به‌بیستو سێ خاڵ .
کۆمێنت (0)
تا ئێستا هیچ کۆمێنتێک نەکراوە.