سوپای توركیا ژمارەی هێزەكانی لەسەر سنوورەكانی نێوان وڵاتەكەی و سوریا بەچەندین جۆر چەك و تەقەمەنی قورسەوە زیاتر كرد.
بەپێی ئەو هەواڵانەی میدیاكانی توركیا ، سەرۆكایەتی ئەركانی سوپای توركیا بەفەرمانی حكومەت و وەزارەتی بەرگری بەمەبەستی زیاتركردنی ژمارەی هێزەكانی، زیاتر لە (20) یەكەی سەربازی كە سەدان سەرباز لەخۆ دەگرێت، رەوانەی پارێزگاكانی سەر سنووری سوریای كردووە.
هەروەها سوپای توركیا لەگەڵ ئەو یەكە سەربازییانەدا چەندین جۆر چەك و تەقەمەنی قورسیشی رەوانەی سەر سنوورەكانی نێوان توركیاو سوریا كردووە، بەتایبەتیش بۆ سنووری پارێزگای رحا.
رەجەب تەیب ئەردۆغان، سەرۆك كۆماری توركیا، پێشتر رایگەیاندبوو كە ئەوان ئەو سوپایە دەخنكێنین بەر لەوەی لەدایكبێت. ئەردوغان روونیشیكردەوە توركیا ئامادەكاری تەواوی كردووە، بۆ ئەنجامدانی ئۆپەراسیۆنی سەربازی لە عەفرین، و شارۆچكەی مەنبەج، و لەماوەیەكی كەمدا دەست بە ئۆپەراسیۆنەكە دەكەن.
سوهێل تاهیر : كوردستان تیڤی
کۆمێنت (0)
تا ئێستا هیچ کۆمێنتێک نەکراوە.