فرۆشتنی مۆبایله زیره‌كه‌كانی دروستكراوی وڵاتی چین به تایبه‌ت به‌رهه‌مه‌كانی هه‌ردوو كۆمپانیای هواوی و ZTE به بریارێك له وڵاته یه‌كگرتووه‌كانی ئه‌مریكا قه‌ده‌غه‌ده‌كرێن .
له راپۆرتێكدا هاتووه حكومه‌تی ئه‌مریكا به یاسایه‌ك كه ئه‌نجوومه‌نی پیرانیش ده‌نگی بۆ داوه سه‌رجه‌م ئه‌و رێكه‌وتنامانه‌ی بلۆك كرد كه رێگا به كۆمپانیا چینییه‌كان ده‌دات به‌رهه‌مه‌كانیان له ویلایه‌ته یه‌كگرتووه‌كانی ئه‌مریكا بفرۆشن ، به تایبه‌ت هه‌ردوو كۆمپانیای هواوی و ZTE .
بیانووش بۆ قه‌ده‌غه‌كردنی به‌رهه‌مه‌كانی ئه‌م دوو كۆمپانیایه ، تۆمه‌تباركردنیانه به سیخوری كردن به‌سه‌ر به‌كارهێنه‌ران ، له راپۆرته‌كه‌دا باسی ئه‌وه‌ش كراوه كه ده‌سه‌لاتدارانی وڵاتی چین له رێگای كۆمپانیای هواوی سیخوری به‌سه‌ر هاوڵاتیانی ئه‌مریكا ده‌كه‌ن و سه‌رجه‌م داتاو زانیارییه‌كانیان دزه پێده‌كه‌ن .
جێی باسه ئه‌مریكا ئه‌مه به مه‌ترسی ده‌زانێت بۆ سه‌ر ئاسایشی نه‌ته‌وه‌یی .
کۆمێنت (0)
تا ئێستا هیچ کۆمێنتێک نەکراوە.