ئه‌نتۆنیۆ گوتێریس، سكرتێری گشتی نه‌ته‌وه یه‌كگرتووه‌كان، له‌باره‌ی پلانی ئه‌مریكا په‌یوه‌ندیدار به پێكهێنانی هێزی پاراستنی سنوور رایده‌گه‌ێنێ، ئه‌گه‌ر گه‌لی سووریا كێشه‌كانی خۆیان بۆ خۆیان چاره‌سه‌ر بكه‌ن، زۆر باشتر ده‌بوو.
ئه‌نتۆنیۆ گوتێریس، سكرتێری گشتی نه‌ته‌وه یه‌كگرتووه‌كان، له باره‌گای گشتی نه‌ته‌وه یه‌كگرتووه‌كان له نیویۆرك له كۆنگره‌یه‌كی رۆژنامه‌وانیدا راگه‌یاند: كۆمه‌ڵگه‌ی نێوده‌وڵه‌تی له زۆرێك له پرسه‌كان شكستی هێناوه و تیشكیشی خسته سه‌ر شه‌ڕوپێكدادانه‌كان و پرسی تیرۆر و گوتی: رووبه‌ڕووی گرێ كوێره‌ی رۆژهه‌ڵاتی ناوه‌ڕاست و ئه‌گه‌ری جه‌نگی ئه‌تۆمی له نیمچه دوورگه‌ی كۆریا بووینه‌ته‌وه.
له‌باره‌ی پلانی ئه‌مریكا په‌یوه‌ندیدار به پێكهێنانی هێزی پاراستنی سنوور رایگه‌یاند: ئه‌گه‌ر گه‌لی سووریا كێشه‌كانی خۆیان بۆ خۆیان چاره‌سه‌ر بكه‌ن، زۆر باشتر ده‌بوو.
ئه‌نتۆنیۆ گوتێریس راشیگه‌یاند كه به‌مه‌به‌ستی دووباره ده‌ستپێكردنه‌وه‌ی قۆناغی جنێڤ گشت هه‌وڵه‌كانیان خستووه‌ته‌گه‌ڕ و ئه‌وه‌شی راگه‌یاند كه چاره‌سه‌ریی قه‌یرانی سووریا به رێگه‌ی سه‌ربازیی ئه‌سته‌مه.
کۆمێنت (0)
تا ئێستا هیچ کۆمێنتێک نەکراوە.