ئه‌و ڕه‌شه‌با تونده‌ی وڵاتانی باكووری ئه‌وروپای گرته‌وه بووه هۆی گیان له ده‌ستدانی حه‌وت كه‌س له هۆڵه‌نداو ئه‌ڵمانیاو به‌لژیك .
هاوكات هاتوچۆی شه‌مه‌نده‌فه‌ری نێوان شاره‌كانی ڕاگرت و به‌و هۆیه‌شه‌وه فڕۆكه‌خانه‌ی ئه‌مستردام له هۆڵه‌ندا داخرا، زۆرترین زیانیش به‌ر هاووڵاتیانی هۆڵه‌ندا كه‌وت و به هۆی داڕمانی دره‌خته‌وه سێ كه‌س گیانیان له‌ده‌ستدا.
كاربه‌ده‌ستان پاش نیوه‌ڕۆ بۆ چه‌ند كاتژمێرێك فڕۆكه‌خانه‌ی سخیبۆلیان له ئه‌مستردام داخست پاش ئه‌وه‌ی خێرایی ڕه‌شه‌باكه گه‌یشته 140 كیلۆمه‌تر له كاتژمێرێكداو به‌و هۆیه‌وه 260 گه‌شت هه‌ڵوه‌شێنرانه‌وه‌و فڕۆكه‌خانه‌كه ناچاربوو ده‌روازه‌كانی هۆڵه‌كانی گه‌شتكردن دابخه‌ن.
کۆمێنت (0)
تا ئێستا هیچ کۆمێنتێک نەکراوە.