به‌رپرسانی ئه‌منیی ئه‌فغانستان رایانگه‌یاندووه كه ژماره‌ی كوژراوانی هۆتێل كۆنتینێنتاڵی شاری كابول، كه به هۆی هێرشی چه‌ند چه‌كدارێك روویداوه، گه‌یشتووه‌ته 30 كه‌س و ئه‌گه‌ری هه‌یه ئه‌م ژماره‌یه له‌وه‌ش زیاتر به‌رز ببێته‌وه.
ئه‌و هێرشه كه شه‌وی شه‌ممه‌ی ئه‌م هه‌فته‌یه له‌لایه‌ن چه‌ند چه‌كدارێكه‌وه كرایه سه‌ر هۆتێله‌كه، چه‌ندین كاتژمێر پێكدادانی هێزه ئه‌منییه‌كان و چه‌كداره‌كانی به‌دواوه بوو، تا له ئه‌نجامدا هێزه ئه‌منییه‌كان به كوشتنی 6 كه‌س له چه‌كداره‌كان كۆتاییان به پێكدادانه‌كه هێنا.
به‌گوێره‌ی وته‌ی به‌رپرسانی ته‌ندرووستیی ئه‌فغانستان 14 كه‌س له كوژراوان بیانین و دوو كه‌سیان فڕۆكوانی خه‌ڵكی ڤه‌نزوێلان و به‌گوێره‌ی وته‌ی وه‌زاره‌تی ده‌ره‌وه‌ی وڵاتانی ئۆكرانیا و كازاخستان هاوڵاتییانی ئه‌وانیش له‌م رووداوه‌دا كوژراون.
رۆژی رابردوو گروپی تیرۆریستی تاڵیبانی ئه‌فغانستان به‌رپرسیارێتی هێرشه‌كه‌ی گرتووه‌ته ئه‌ستۆ.
سه‌رچاوه / ده‌نگی ئه‌مریكا
مه‌سعود / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.