هه‌لیكۆپته‌رێكی جه‌نگی ئه‌مریكی هێرشی كرده سه‌ر كاروانی ئۆتۆمبێله‌كانی به‌ڕێوه‌به‌ری شاره‌دێی به‌غدادی و به‌ڕێوه‌به‌ری پۆلیسی به‌غدادی ، له ئاكامدا حه‌وت كه‌س گیانیان له‌ده‌ست داو 11ـی دیكه‌ش بریندار بوون.
ئه‌مرۆ رۆژی شه‌ممه 27/1/2018 به‌پێی هه‌واڵێكی سۆمه‌رییه نیوز فڕۆكه جه‌نگییه‌كانی ئه‌مریكا كاروانێكی ئۆتۆمبێلیان بۆردومان كردووه، كه شه‌رحه‌بیل ئه‌لعوبێدی، به‌ڕێوه‌به‌ری شاره‌دێی به‌غدادی تێدا بوو.
به‌هۆی بۆردومانی فرۆكه ئه‌مریكییه‌كه‌وه، حه‌وت كه‌س گیانیان له‌ده‌ست داوه و 11ـی دیكه‌ش بریندار بوون.
جگه له شه‌رحه‌بیل ئه‌لعوبێدی، به‌ڕێوه‌به‌ری شاره‌دێی به‌غدادی، عه‌قید سه‌لام ئه‌لعوبێدی، به‌ڕێوه‌به‌ری پۆلیسی به‌غدادی، له‌نێو برینداره‌كان دایه و باره‌ی ته‌ندروستیی ناجێگیره و له شارده‌ێیه‌كه فریاگوزاری سه‌ره‌تاییان بۆ كراوه.
کۆمێنت (0)
تا ئێستا هیچ کۆمێنتێک نەکراوە.