ئۆلیسیس كۆستا رۆژنامه‌نووسی ناسراوی به‌رازیلی باس له داهاتووی ئه‌ستێره‌ی به‌رازیلی و یانه‌ی پاریس سان جێرمان " نیمار داسێلفا " ده‌كات ، كه هه‌ر ئه‌و رۆژنامه‌نووسه بوو یه‌كه‌مجار ئاشكرایكرد نیمار یانه‌ی به‌رشلۆنه جێده‌هێلێت و په‌یوه‌ندی به یانه‌ی پاریس سان جێرمانه‌وه ده‌كات .
ئه‌و رۆژنامه‌نووسه ئاشكرایده‌كات كه "نیمار " یانه‌ی پاریس سان جێرمان جێده‌هێلێت و له وه‌رزی داهاتوو په‌یوه‌ندی به یانه‌ی ریال مه‌دریدی ئیسپانی ده‌كات .
كۆستا ئەوەشی ئاشكرا كردوە نیمار دەچێتە ریال مەدرید دوای كۆتایی هاتنی بەشداری كردنی لەگەڵ پاریس سان جێرمان لە خولی یانە پاڵەوانی ئەوروپا ، جارێكی تر دەگەرێتەوە خولی ئیسپانیا بۆیاری كردن ، دەتوانێت بەشێوەیەكی سەر سورهێنەر یاری بكات و هیچ گومانی تیا نیە دەبێتە باشترین یاریزانی جیهان .
هەوادارانی ریال مەدرید چاوەرێ راست دەرچوونی قسەی ئەم رۆژنامەنوسەن كە دەڵێت نیمار پەیوەندی دەكات بەیانەی ریال مەدرید لە چەند مانگی داهاتوو .
کۆمێنت (0)
تا ئێستا هیچ کۆمێنتێک نەکراوە.