له هه‌ردوو شاری به‌غداو ناسریه خۆپیشاندان ده‌ستی پێكردو خۆپیشانده‌ران داوای لابردنی پێبژاردنه‌كانی سه‌رخانووبه‌ره‌و سه‌رفكردنی مووچه‌كانیان ده‌كه‌ن ،كه بۆ ماوه‌ی سێ مانگه وه‌ریان نه‌گرتووه.
له‌شاری به‌غدا به ده‌یان هاووڵاتی له‌به‌رامبه‌ر شاره‌وانی شاری سه‌در له رۆژهه‌ڵاتی شاری به‌غدا گردبوونه‌وه داوایان كرد حكومه‌ت پێبژاردنه‌كانی سه‌ر زه‌وی و زارو خانووبه‌ره هه‌ڵبگرێ.
له هه‌مانكاتیشدا كرێكارانی شاره‌وانی پارێزگای ناسریه له‌به‌رامبه‌ر باڵه‌خانه‌ی پارێزگاكه خۆپیشاندانێكیان سازداو داوایان له حكومه‌تی خۆجێی كرد، مووچه‌كانیان خه‌رج بكرێت كه ماوه‌ی سێ مانگه وه‌ریان نه‌گرتووه.
كرێكاره‌كان له خۆپیشاندانه‌كه‌دا رایگه‌یاندووه، كه ئه‌وان له‌به‌ر هه‌ژاری شه‌و رۆژ و به‌سه‌رماو گه‌رما كارده‌كه‌ن و كه‌چی بۆ ماوه‌ی 90 رۆژه مووچه‌كانیان وه‌رنه‌گرتووه.
سه‌رچاوه: سۆمه‌رییه
کۆمێنت (0)
تا ئێستا هیچ کۆمێنتێک نەکراوە.