ویلایەتە یەكگرتوەكانی ئەمریكا قەدەغەكردنی چوونە ناوەوەی پەنابەرانی 11 وڵات كە زۆربەیان موسلمانن بۆ ناو وڵاتەكەی ، هەڵدەگرێت .
بەڵام روونیكردەوە كە ئەوانەی دەیانەوێت بێنە ناو ئەمریكا ، لە جاران زیاتر دووچاری پشكنین و رێوشوێنە ئەمنییەكان دەبنەوە .
كرستین نیلسن وەزیری ئاسایشی ناوەخۆی ئەمریكا رایگەیاند كە بۆ وەرگرتنی پەنابەران رێوشوێنی ئەمنی توندە دەگیرێتە بەر ئەویش بۆ مسۆگەركردنی سەلامەتی ئەمریكا .
روونیشیكردەوە كە وەزارەكەی لە گەل تەواوی دامودەزگاكان هەماهەنگی كردووە بۆ وەرگرتنی پەنابەران لەو 11 وڵاتە كە بە مەترسیدار ناوی بردن ، بەڵام تەئكیدی كردەوە كە ئەو پەنابەرانە هەڕەشە نابن لە سەر ئاسایشی ئەمریكا .
بەرپرسانی ئەمریكا ناوی ئەو 11 وڵاتەیان نەهێنا ، بەڵام بە پێی رێكخراوە نێودەوڵەتییەكان ئەم وڵاتانە بریتین لە میسر و ئێران و عێراق و سوریا و یەمەن و لیبیا و سودان و مالی و سۆماڵ و باشووری سودان و كۆریای باكوور .
سوهێل تاهیر : كوردستان تیڤی
کۆمێنت (0)
تا ئێستا هیچ کۆمێنتێک نەکراوە.