وه‌زاره‌تی خه‌زێنه‌ی ئه‌مریكا ناوی ئیسماعیل هه‌نییه سكرتێری مه‌كته‌بی سیاسیی بزوتنه‌وه‌ی حه‌ماسی خسته ناو لیستی تیرۆری وڵاته‌كه‌یه‌وه.
له به‌یاننامه‌یه‌كدا كه وه‌زاره‌تی خه‌زێنه‌ی ئه‌مریكا رۆژی چوارشه‌ممه‌ی رابردوو بڵاویكرده‌وه، ناوی ئیسماعیل هه‌نییه سكرتێری مه‌كته‌بی سیاسیی بزوتنه‌وه‌ی حه‌ماس خراوه‌ته ناو لیستی تیرۆری ئه‌م وڵاته‌وه.
به‌گوێره‌ی به‌یاننامه‌كه له‌مه‌ودوا رێگه له هه‌موو هاوڵاتیی و دانیشتووانی ئه‌مریكا گیراوه بۆ هه‌رجۆره هاوكارییه‌ك له‌گه‌ڵ ناوبراو، حكومه‌تی ئه‌مریكاش سه‌رجه‌م سامان و داراییه‌كانی ناوبراوی له ئه‌مریكا و ئه‌و شوێنانه‌ی له‌ژێر كۆنتڕۆڵی ئه‌م وڵاته‌دایه، بلۆك ده‌كات.
واشنتن وه‌كو سیاسیه‌تی ده‌ره‌كی خۆی ناوی ئه‌و كه‌سانه ده‌خاته ناو لیستی تیرۆر كه گومان ده‌كرێت ئه‌و كه‌سانه مه‌ترسی گه‌وره‌ن له‌سه‌ر ئاسایشی نه‌ته‌وه‌یی و ئاسایش هاوڵاتییانی ئه‌مریكیی و سیاسه‌ته‌كانی ئابووریی له ده‌ره‌وه‌ی ئه‌م وڵاته.
سه‌رچاوه / عه‌ره‌بییه
مه‌سعود / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.