رۆژی هه‌ینی زه‌وی له‌رزه‌یه‌ك به هێزی 7.2 به پێوه‌ری رێخته‌ر باشوور و ناوه‌ڕاستی مه‌كسیكۆ سیتی پایته‌ختی وڵاتی مه‌كسیكی هه‌ژاند. به‌ڵام تا ئێستا هیچ ئامارێك له قوربانییانی رووداوه‌كه له‌به‌رده‌ست نییه.
به‌گوێره‌ی هه‌واڵه‌كه هاوكات له‌گه‌ڵ ده‌ستپێكردنی زه‌وی له‌رزه‌كه ژماره‌یه‌كی زۆر له هاوڵاتییانی شاره‌كه هاتنه سه‌ر شه‌قامه سه‌ره‌كییه‌كانی شاری مه‌كسیكۆ سیتی به مه‌به‌ستی پاراستنی خۆیان له مه‌ترسیی.
ده‌زگای زه‌ویناسیی و بومه‌له‌رزه‌ی ئه‌مریكا سه‌نته‌ری بومه‌له‌رزه‌كه‌ی به 53 كیلۆمه‌تریی باشووری رۆژهه‌ڵاتی پینۆتێپا له باشووری ویلایه‌تی ئۆكساكا خه‌مڵاندووه و به‌راوردیشی كردووه كه قووڵاییه‌كه‌ی 24 كیلۆمه‌تر له خواره‌وه‌ی ئاستی زه‌ویی بووه.
سه‌رچاوه / رادیۆ فه‌ردا
مه‌سعود / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.