پیپ گواردیۆلا ڕاهێنه‌ری یانه‌ی مانچسته‌رسیتی له كۆنگره‌یه‌كی ڕۆژنامه‌وانیدا، باسیی ڕووبه‌ڕوو بوونه‌وه‌ی ڕۆژی یه‌كشه‌ممه‌ی تیپه‌كه‌ی له‌به‌رامبه‌ر یانه‌ی ئارسناڵ له یاری كۆتایی جامی یه‌كگرتووی یانه پیشه‌گه‌ره‌كانی ئینگلته‌را كرد .
گواردیۆلا ڕایگه‌یاند كه بارودۆخی تیپه‌كه‌ی سه‌قامگیره‌و ڕكابه‌ره‌كه‌یان به باشی ده‌ناسن و خوێندنه‌وه‌ی ته‌واویان بۆ یاریه‌كه كردووه‌و پلانێكی گونجاویشیان بۆ داڕشتووه .
له‌باره‌ی پێكانی ڕه‌حیم ستێرلینگیش، گواردیۆلا ئاشكرای كرد كه ستێرلینگ گرفتی له ماسولكه‌كانی ڕانی هه‌یه‌و ناشزانرێت بۆ یاری به‌رامبه‌ر ئارسناڵ ئاماده ده‌بێت یاخود نا .
ڕاهێنه‌ره ئیسپانیه‌كه گوتیشی، ده‌مه‌وێت تیپه‌كه‌م به هه‌مان ئاستی یاریه‌كانی پێشووی ئه‌م وه‌رزه ببینم و هه‌موو هه‌وڵێكیش ده‌ده‌ین تا نازناوی پاڵه‌وانێتیه‌كه به‌ده‌ست بێنین .
جێگای باسه یاری كۆتایی جامی یانه پیشه‌گه‌ره‌كانی ئینگلته‌را له یاریگای وێمبڵی له له‌نده‌ن وبه ئاماده بوونی نزیكه‌ی هه‌شتا هه‌زار هانده‌ر به‌ڕێوه‌ده‌چێت.
کۆمێنت (0)
تا ئێستا هیچ کۆمێنتێک نەکراوە.