فڕۆكه جه‌نگییه‌كان و هێزه‌كانی رژێم و میلیشیاكانی سه‌ر به به‌شار ئه‌سه‌د به‌رده‌وامن له بۆردومان و هێرشه‌كانیان بۆ سه‌ر شار و شارۆچكه‌كانی غوته‌ی رۆژهه‌ڵات.
سه‌ره‌ڕای ئاگربه‌ستی سه‌رتاسه‌ری له سووریا كه له لایه‌ن ئه‌نجوومه‌نی ئاسایشی نه‌ته‌وه یه‌كگرتووه‌كانه‌وه راگه‌یێندراوه و هه‌روه‌ها ئه‌و ئاگربه‌سته مرۆییه‌ی كه رووسیا بۆ غوته‌ی رۆژهه‌ڵات رایگه‌یاندووه، به‌ڵام فڕۆكه جه‌نگییه‌كان و هێزه‌كانی رژێم و میلیشیاكانی سه‌ر به به‌شار ئه‌سه‌د به‌رده‌وامن له بۆردومان و هێرشه‌كانیان بۆ سه‌ر شار و شارۆچكه‌كانی غوته‌ی رۆژهه‌ڵات.
هه‌ر له‌و باره‌وه روانگه‌ی سووریا بۆ مافه‌كانی مرۆڤ رایگه‌یاند، كه پێش ئاگربه‌ستی رۆژانه، فڕۆكه جه‌نگییه‌كانی رژێم شاری حه‌رستا و دۆمایان بۆردومانكرد.
هه‌ر له‌و چوارچێوه‌یه‌شدا سێرگێی لاڤرۆڤ وه‌زیری ده‌ره‌وه‌ی رووسیا چه‌كدارانی ئۆپۆزیسیۆنی به‌وه تۆمه‌تبار كرد كه ئه‌مرۆ چه‌ند ناوچه‌یه‌كی بۆردومانكردووه و رێیا نه‌داوه خه‌ڵكی مه‌ده‌نی بگوازرێنه‌وه.
کۆمێنت (0)
تا ئێستا هیچ کۆمێنتێک نەکراوە.